ورق الحمام بنوحها كنه يقال=مالك على نوه وخايل سناها

يامال قلبـن ميلـه جرحـه ومـال
..............................ماعد يفـرق مـن نكدهـا حلاهـا
قامت همومه تحدى به على الجـال
..............................سوات من هو بحياتـه شقاهـا
قام يتفـزع ونطـرح بيـن عـذال
..............................كلن عليـه اركـى بخنجـر سناهـا
واضحى مابين حره وجمـر ولـوال
..............................على دنياء شقـى خذتنـي هواهـا
دنيا بها الذيب جوعه هـذب طـال
..............................جر العوى يقنـب صباحـه مساهـا
كنه يقول الله يحيـي شقـى الفـال
..............................اقلط شربك الهـم ودربـك عناهـا
من وين ماسجيـت هّجسـك مـوال
..............................اسهـر عيـون ٍ موقهـا دم ماهـا
وارخى هدب بظلهـا الحـزن قيـال
..............................وبيت خفوق ٍ فـز يرقـب اخطاهـا
الترفه اللي توهـا بلبسـة الشـال
..............................هي كيف جتني راح قلبـي تلاهـا ؟
وهي ليه تطعني وصدري لها ادلال ؟
..............................كانت هنا مركـى خفوقـن فداها
ولآمر طيفه جيت وشوقي لها قبـال
..............................ولراح عنـي راح طيفـي مشاهـا
قولو لها حتى الضمى عّطش أرمال
..............................وشلون قلب ٍ مـات وشفـه لماهـا
وبري حالـي كـل ماشالـة الشـال
..............................وأقفت عصير تعد عينـي أخطاهـا
وكفي تلوح بالسلامـه مـع اذهـال
..............................والدمـع ثايـر بالمحاجـر نعـاهـا
ورق الحمـام بنوحهـا كنـه يقـال
..............................مالك علـى نـوه وخايـل سناهـا
ون كان لك ثنتينهـا عيـت تطـال
..............................عم وتبارك خير لـك مـن عناهـا