بسم الله الرحمن الرحيم
السلام عليكم ورحمة الله وبركاته
يشرفني ويسعدني ان أطرح لكم في هذا المنتدى الغالي
اول قصة كتبتها ** صغيرة والشعر شايب **
وتحميل قصتي الكثير من المواقف والاحداث الواقعية
فأنا لم انسجها من خيالي
يخونني التعبير لوصف احداث القصة
لكن اترككم مع الاحداث
ومن يريد ان ينقلها لمنتدى اخر فهو مسموح
ومن لدية اي انتقادات
فهو مسموح
ومن لدية افكار
فهو أيضا مسموووووح
اليكم او جزء من القصة
واذا نالت على اعجابكم سوف أكمل الباقي
@** صغيرة واشعر شايب **@
الجزء الاول
في يوم الثلاثاء رابع يوم دراسي بالنسبة لبداية السنة واول يوم عند شلة جود
دخلت المدرسة وتطالع في الشلل الثانية وهم يحضنون بعض وكلام الحب والاشواق ومفهية فيهم مادرت الا واحد يصرخ في اذنها سلاااااااااااام ابو بدر
جود :هلا والله ابو الحن ( حنان )
(صافحوا بعض وسلموا على خشوم بعض ويعتبر احلى سلام عند شلة صراقيع)
وقابلت كل اللي تعرفهم بعدها دق الجرس معلنا عن بدء الطوابير
وراح كل طابور لفصله
ومن حسن حظ الشلة انهم جمعوهم في فصل واحد لان في سنة اولى عبيروسمر في فصل وجود في فصل وحنان في فصل
واول مادخلو قلبوها فلة عبير تدق وسمر ترقص وجود تغني
ياليل خبرني عن امر المعاناة هي من صميم الذات والا اجنبية
والحصتين الاولى احتياط والثالثة جاتهم ابلة الانقلش ابله كوثر
بما ان جود ماتفهم انقليزي فجلست ترسم ددسن ومرسوم على باب السواق عيون ومكتوب ابو بدر
ابله كوثر انتبهت لها وعصبت: جوووووووووود انا اشرح لمين يعني
عبير: جود الابله تكلمك
جود : قولي لها ابو بدر مشغول
عبير : أي ابو بدر هذي جود بلا مشاكل
ابله كوثر: جود اكلمك انا
جود :خير يابو الشــ وماكملت لان عبير قرصتها
خير ابله فيه شي
الابله :وش قاعدة تسوين
جود ببراءة : ارسم ددسن
الفصل كله :هههههههههههههههههههههههههههههههههههههههههههه
الابله انقهرت :خذي الددسن حقك وروحي الادارة وقولي لهم هذا رسمته وابله كوثر تشرح وماتجيني الا بورقة التعهد في يدك
جود اخذت الرسمة وناوية تروح عند سمية صديقتها في اولى وتقول في نفسها ماعرفتي انا مين انما خليت التعهد عليك ماني بنت الراسي
الابله : مطولة لين تخرجين
جود طناااااااااااااش خرجت وصكرت الباب بكل مافيها من قوة
وهي رايحة دق جرس الفسحة وجري عالبوابة وفتحتها وراحت عند بنت المقصف تدقها سوالف لين مايجون صديقاتها ولان ابله كوثر ماتطلع بدري من الفصل
بعد10دقايق جو صديقاتها وهم يضحكون
جود :ايه اضحكوا وش عليكم انا المطرودة مو انتم
عبير : لا وربي مانضحك عليك نضحك على ابله كوثر
جود :و ش قالت اكيد مسويه فيها اعرف احش
حنان : لا مو كذا اسمعي ابله كوثر مرت الادارة وقالو جود مامرتنا
وانقهرت وطلعت وجها احمر فضحكنا في وجهها ودخلتنا الادارة وقالت يضحكون علي فقالت لها ابله فطوس( فطوس المديرة و شديدة مرة وماتحب ابله كوثر)ليه مواثقة في نفسك وخرجت وصكرت الباب بقوة ولفت علينا فطوس وقالت ابشروا بالممتاز اذا طفرتوا فيها ونقلت من المدرسة وتقول ابي جود لان ماحد يعرف لها غيرك..
جود هنا استانست بالحيل وهاللحين تقدر تخلي المديرة تكتب تعهد على ابلة كوثر
بعد صمت طوووووووويل قعدت جود تضحك ضحكتها المعتادة حقت العرابجة
والمدرسة كلها تطالع فيها ومرت ملاك من جنبها وضربتها على راسها ضربة خفيفة
ملاك(بنت عم جود): صباح الخير
جود: ياصباح النور والسرور والعاقبة لديكم بالمسرات
ملاك: هذا اول يوم لك صح؟
جود: ايه اول يوم
ملاك: بالتوفيق
جود: الجميع
وفي جهة ثانية من المدرسة عند شلة خلود صاحبة شوق (شوق اخت جود) جاتهم بشرى صديقة جود في الفصل
بشرى: سلاام
الشلة : وعليكم
بشرى : بجد هذي جود فللللللللللللة
اسماء : انا متأكدة انها ولد شوفوا شكلها كيف الشعر كله مرفوع بمطاط والمريول زي ثياب العيال والا الله يكرمكم الجزمة ماهي مدخلة رجولها كلها لافتها من عند الكعب والاكمام مشمرة وحركة اليد شوي وتشيل اللي قدامها
بشرى : مادريتوا اليوم وش سوت
اسماء :يعني اش بتسوي أي شي تسويه ماراح تتحاسب عليه هذي بنت الراسي مو أي احد
بشرى : اكلتوني ياهووه خليني احكي لكم تخيلوا ابلة كوثر تشرح وهي ترسم ددسن وعيون وابو بدر وانطردت عشانه
معهم في الشلة وحدة بدوية (كانت عايشة في قرية وبعد متوفى ابوها واخذوا الورث ولان ابوها كان بخيل فالورث كان كثير وسكنهم اخوهم بحي راقي ودخلها مدرسة اهلية) اسمها عيشة:بكرة بتسمعون جود راسمة وايت وراكبة فوقه على بالها في الديرة
بشرى وهي متقرفة منها وماكنت تبيها في الشلة وتلوي فمها وتستهزء في عيشة : على بالك كل الناس بدو زيك يا ماما هذولا عز ياوجه الفقر انتي
اما عيشه وجهها تغير وبدت الدموع تتجمع في عينها
خلود انتبهت فحبت تغير الموضوع: مافي زي شوق علني افداها وشوق قاعدة قدامها تشرب مويه وشكلها جنان والخصل على وجهها
ودق جرس الفسحة ومرت الحصص سريعه وجاء نهاية الدوام وكلن راح لبيته
دخلت شوق بيتهم او بالاصح قصرهم وسلمت على امها وابوها وجلست تسولف عليهم اما جود دخلت ورمت عبايتها واشيائها في الصالة وركض على فووق وهي طالعة قابلت ميرانتو تجمع في اغراضها واعطتها ضربة على كتفها طبعا ميرانتو متعودة على حركات جود فضحكت ..
المغرب
في بيت ابو بندر اخو( ابو احمد )
عمر: تدرون مين قابلت اليوم في السوبر ؟؟
ملاك : مين ( وفي بالها تقول لا يكون جود وربي تسويها )
عمر: قابلت فيصل اخو صديقتك يشتري دخان
ام بندر: لا حول ولا قوة الا بالله مو هو تطوع
عمر: ايه فترة وبعدين ردوا عليه شلته ورجع معهم
ملاك : بس سمر تقول انه رجع يدخن بس ولسى محافظ على الصلاة
رن رن رن عمر : ملاك قومي ردي
ام بندر" خلاص انا عنده
ام بندر : هلا بولدي رافع الراس
بندر :هلا بالغالية هلا والله
اخبارك يمه
امه : طيبة يولدي انت اخبارك عساك مرتاح
بندر : انا مارتاح الا لما اخذ اللي في بالي
امه تتنهد وهي عارفة ان ولدها يحب بنت عمه وهي الله العالم عنها: الله كريم ياولدي قدامك سنة وربي يجيب الخير فيها
بندر : ماعلينا من هالموضوع اللحين وبشرينا عن اخواتي واخواني وابوي وعياله وحرمته
امه تنرفزت علشانها ماتحب مراة زوجها ولا عياله : عن اخوانك واخواتك بخير ماعليهم بس حرمة ابوك وعيالها عساهم بحريقة
بندر حب يغير الطاري لانه يعرف امه بتقعد تدعي عليهم : يالله يمه وشكثر مشتاقلكم ولملاك الحلوة
امه :حنا بعد
بندر : فمان الله يمه توصين شي
امه : فمان الكريم ياوليدي الله يسلمك وانتبه على حالك
وقفلت منه ورجع دق التلفون مرة ثانية
@@* صغيرة والشعر شايب *@@
صحيت جود بعد المغرب وصلت المغرب والعصر سوى
ولقت احمد جالس يشرب كبتشينو جلست عنده
جود: تدري ابو حميد اني احبك مووووووووووووووووووووووت
احمد : ابو حميد بعينك قروي أنا يا الله بلا مصاخة وقولي اش تبين ..
جود تبي ترفع ضغطة : لا مابي شي بس ابيك تكون جنبي ياحبي
احمد : زوجك وانا مادري ...تكلمي وخلصيني
جود : ابد بس ابي المكتبة
احمد : قولي من الاول كذا مافي مشاكل يالله اوديك
... اه يالخونة بتروحون وتخلوني
احمد : هلا بشوشو هلا حبيبتي انا اصلا ماحب اشيل جود لوحدنا عاد انتي تعرفيها زين
اكيد بمر عليك او على ريان اخذه معنا
جود : اخلصوا بسرررررررررعة
احمد : 5 دقايق معاكم ان مانزلتو بروح عنكم
شوق : راحت تاخذ عبايتها
جود : احمد بليز بناخذ ملاك معنا
احمد بنرفزة : طيب دقي عليها (يارب تكون نايمة)
جود رفعت السماعة ودقت
الوووووووو
ام ملاك : نعم جود (بدون نفس طبعا)
عنود : وين لوكتي
ام ملاك :لحظة بس
ام ملاك تنادي بنتها بصوت عالي عشان تزعجها مادرت انها تحب هالاسلوب
ملاك : نعم
امها خذي جود تبيك
ملاك سحبت السماعة بسرعة : هلا
جود : يلا اخلصي بنمر عليك تروحين معنا المكتبة
ملاك : طيب
قفلت جود من عندها وراحت للسيارة
أم ملاك : وش تبي الملسونة
ملاك : تبيني اخاويهم للمكتبة
امها : خلاص روحي معاها
ملاك : ايه اكيد مافيها كلام وفي نفسها تقول(مع حمادة هذا مو أي واحد)
مروا أحمد واخواته على بنت عمهم واخذوها معاهم
في السيارة
ملاك تهمس لجود : جود قولي لاخوك يشغل اغاني
جود :طيب .. ابو حميد شغل الرادو
احمد بطفش : طيب
حط أحمد أغنية
ماجد المهندس مو بس احبك
ومسيقتها كلاسيكية رووووووووعة
وناظر بالمراية وطالع بملاك وغمزلها
ملاااك خلاص هنا من جد خقت من عيونه العسلية الناعسة
جود: يقطع ابليسك يا بوحميد ما لقيت الا هذي وش عندك مع هالاغنيةغير بالله
احمد: مو كاني عطيتك وجه
جود: هيا عاد يا ابو الشباب ما ابي وجهك بس ابي تغير الاغنية
احمد (وده يقوم يلطش جود): طيب وسكر المسجل
جود :اووووووووف
احمد : خير
جود: انا قلت غير اغنية مو تسكر المسجل
احمد :طيب انتي ما تبين الا كسرات
جود ماصدقت (فتحت شنطتها وطلعت شريط كسرات): خذ
احمد( من جدها هذي): وش ذا
جود/ شريط كسرات على كيف كيفك
ملاك(في نفسها تقول ما احد يعرف لك الا جود)
احمد اخذ الشريط وحطة بالمسجل وطلعت هالكسرة
التحلية جيتها مررة والقلب بعدها مسرور
كتبت فيها انا كسرة مسكين ياللي ماله معشوق
جود: عاشوا فدييييييييتك والله
ملاك كاتمة ضحكتها لان احمد وجهه صار الوان
وجود داخلة جو
اما شوق في عالم ثاااااااااااااااااااااااااااااااااااني
وصلوا مكتبة جرير اللي بشارع فلسطين
نزلوا جود وملاك مع بعض وشوق واحمد مع بعض (طبعا احمد كان لابس بنطلون طيحني جنز كحلي وتشيرت ابيض ومكتوب فيه بالليومني والازرق وشكله مررررره حلو ومع شعرة الناعم اللي لين نص رقبته وعيونه الناعسة الذباحة )
واشتروا اللي يبون وشوق نص الاشياء اللي اخذتها ما تحتاجها للدراسة وكل شيء فيه حرف الـk تاخذة من دون تردد
اما جود بس قلمين ازرق واحمر اما ملاك اخذت اللي تحتاجها بس.
وصلوا للكونتر كلهم حطوا اغراضهم الا ملاك واحمد انتبه لها، قال لجود
قولي لملاك تحط اغراضها جود قالتلها وملاك رفضت قرب منها احمد وهيه انفاسها خلاص بتنقطع وقلبها اللي باخر المكتبة يسمع نبضاتها من التوتر اللي جاها وطبعا احمد مستانس عالاخر
احمد: هاتي اغراضك
ملاك؛ انـ انا بحاسب
احمد: لامن جد اقول هاتيها
ملاك؛...............
قرب احمد ولانه طويل نزل شوي من طولة واخذ الاغراض اللي بيدها وحطها عالطاولة
وملاك قلبها طاح من الخوف واسنانها بتتكسر من الرجفة
جود كانت منتبهه وعادي اما شوق كانت بطق من القهر لانها تحب احمد واييد وماتبي أي احد ياخذه منها
شوق: خلاص انا وملاك وجود بنرجع السيارة
احمد: طيب خذوا المفتاح مد المفتاح لشوق طبعا دخلت جود عرض واخذته
جود تقول لشوق : هذي اشياء اكبر منك
شوق : بس خلصينا
دخلوا سيارة احمد الهمر الاحمر وطبعا جود ركبت مكان السواق
شوق: جود خلي الجنان وروحي ورا
جود: انا ما صدقت احصل فرصة
ملاك: اقول جود يقول المثل اتقي شر الحليم اذا غضب وربي احمد يوريك شغلك
جود: ههههههههه بالله طيب وعناد فيكم
طبعا جود تعرف تسوق بحكم جلساتها مع غيتو(السواق)
شغلت السيارة وشوق على طول نزلت وراحت للمكتبة بتكلم احمد بشوف المجنونة جود
وكانت تمشي بسرعة وماكانت تنتبه للي قدامها وصدمت في ولد ورجعت على ورا
الولد: حاسبي
شوق بصوووتها الناعم: معليش
الولد راح وطي صوتها جنان: لاعادي انا حسام(يستهبل)
شوق وش ابي باسمك:شكرا
وشافت احمد وراحت له جري ومسكت بيده بقوة طبعا حسام واقف يناظر فيها
شوق وهي تعلي صوتها شوي: حمادة الحق جود بتسوق السيارة وملاك معاها
احمد انصدم : وشو ؟
شوق: اقول الحق على سيارتك
احمدوهو يروح للمواقف: مو مهم السيارة
شوق هنا خلااص طقت: ايه صح اهم شيء جود
والا سيارة احمد طالعة من المواقف وطبعا الاغاني عالاخير
وجود فاكة اللثمة ورابطة الطرحة على راسها
جود: وربي فللللللللللللله
ملاك: جود وقفي انزل بعدين سوي اللي تبين
جود: لا بالله لما تكونين معاي احمد ما يخاصم
ملاك من الخوف انربط لسانها
شوي الا في احد يضرب عالسيارة
وقفت جود السيارة وطالعت من شباكها: خير اخوي وش تبي
احمد: خواك العمى
جود: تسلم وفتحت الباب ونزلت
ضربها احمد كف على راسها خفيف
اما شوق واقفة وتضحك
ضرب لها احمد بوري: منتي ناوية تجين معنا
شوق ضحكت بصوت عالي: الا بجي انا مالي غيرك
حسام: انا معك
شوق ناظرت فيه نظرة لها الف معنى ومعنى
وركبت السيارة
جود: ها يالطيب وين بتعشينا
احمد: عاد احنا بشارع التحلية وش تبون عشا
شوق:برجر كينج
احمد: طييييب
وصلوا بيت عمهم اللي كان بنهاية الحي ونزلوا ملاك
وبعدين راحوا لبيتهم
انفتحت البوابة اللي كانت اتوماتيك ونزلوا من السيارة وبقى احمد فيها
شوق: على وين؟
احمد : معزوم
شوق: اها طيب بتتاخر
احمد: تبين شيء ؟
شوق: لاسلامتك
احمد : مع السلامة
شوق: مع السلامة
الساعة العاشرة ليلا
ملاك: سلام
امها: عليكم السلام كيف خلصتي اغراضك؟
ملاك: ايه خلصت
امها: زين
ملاك: انا بطلع غرفتي تبين شيء؟
امها : لا
طلعت ملاك غرفتها واتصلت على صديقتها نجلاء
ملاك: الو
نجلاء/ ياهلا والله يالله ان تحيي هالصوت
ملاك: هلا بك اكثر
نجلاء: خير وش عندك
ملاك: يالخايسة انا اللحين متصلة اتطمن عليك وانت تقولين وش عندك يالله باي
نجلاء : لا لا خلاص سحبناها انا قصدي انك وحشتيني
ملاك/ عليك تصاريف المهم تدرين وش صار اليوم
نجلاء : اكيد في الهرجة وتقلد ملاك حماااادة حبيب القلب
ملاك: هههههههههه اكيد وحكت لها كل شيء
وبعدين قفلت من نجلاء واخذها الخيال الى النوم ونامت وهيه صورة احمد بين عيونها
دخلت جود البيت وبعدها شوق
وكان خالد جالس بالصالة حقت الاستقبال يفرفر بجواله
قربت منه شوق :وهمست له سلام كيفك؟
خالد: بنفس الهمس: وعليكم تماام بسط و هزة وسط
ضحكت شوق وراحت لغرفتها
قربت جود من خالد تقلد شوق بس بصراخ: سلاااااااااااام كيف الحاااااااال؟
خالد وهو يسكر على اذنه: حشى مو حلق الا بوري
جود : طيب رد السلام
خالد: خليتي فيها رد وعليكم
جود ظلت واقفة تنتظرة يقول لها كيفك
خالد: خير وش تبين؟
جود : ماقلت لي كيفك؟
خالد: تصدقين انك ماصخة
جود وهي تهز كتف : زيدني شويه ملح
خالد: لو ما اذقلعتي لا بالجوال براسك
جود: ولاتزعل وهذا انا بضف وجهي
خالد: يكون احسن
سمر أخذت التليفون واتصلت على جود
سمر :: الووووووووووووووووو
اللي رد خالد: هلا
سمر: وين جود
خالد: اسير لك احلى جود قصدي جود فوق لحظة احول التليفون
سمر : لاتتاخر يالطيب
خالد : من عيوني
خالد وهو يصارخ على جود
خالد: جووووووود ارفعي سماعة التليفون اللي عندك
جود : ليه
خالد : وحده تبيك
جود : طيب
رفعت السماعة وطبعا خالد ماقفل سماعتة
جود: هلا ابو سمره
سمر: سمره يا عساها تفرك خشمك
جود: احسن شيء
سمر: كيفك ابو بدر؟
جود: تمام التمام كيفك انت ؟
سمر:تمام بسط وهزة وسط
جود: سبحان الله زي خالد
سمر: هو اللي رد علي صح؟
جود :ايه
سمر :عليه اسلووووووووب جنان
جود: المهم تراه خاطب لاتفرقين بينهم
سمر :جد راح علي
خالد دخل عرض: جود لاتكذبين انا مو خاطب
سمر :هههههههههههههههههههه ضحكت ضحكة تهبل خالد سكت
جود: هيه انت يالمارد وش حاشرك فينا قفل السماعة بيننا خصوصيات
خالد: طيب خصوصيات بعيد عن الكذب انا ولد مؤدب واحب البنات وخاصة ابو سمرة
جود:
خالد :طيب باي
سمر: وي وي وي وي اروح شوربة
جود: اقول تراه يمزح
خالد مرره ثانيه: لاما امزح
جود: وربي يا خويلد لو ماقفلت السماعة لا انزل اوريك شغلك
خالد يعرفها مجنونة تنزل له ومعها رشاش حتى: طيب وقفل السماعة
جود: اقول اكلمك على الموبايل لان عندي هرجة خطيرة
سمر : اوكي
قفلت من الثابت واتصلت على موبايلها وكانت سمر حاطة نغمة صدى
حبك وجع لاليسا
جود بعدت السماعة عن اذنها لانها ماتحب هالاغاني
ردت سمر: هلا وش عندك
جود: مداومة بكره؟
سمر: اكيد لا
جود: داومي تكفين ترى تكفى تهز الرجاجيل
سمر: جود وش عندك على بلاطة؟
جود:طفشانة
سمر:ماني خابرتك تحبين الدراسة
جود: دراسة ايش يا ابوية من قال لك اني بدخل المدرسة
سمر: جود عن الجنان
جود: لاتخافين كل شيء عندي له حل
سمر: طيب لو انكفشنا ؟
جود: قلت لك لاتخافين وانا عمري ما قلت كلمة الا وانا قدها مو صح ؟
سمر : الا صح
جود : طيب وش قلتي
سمر: اوكيك يا كيك لحظة لحظة كيف طيب نهبق ؟
جود : شوفي لو شوق تدري ماعليه بننزل شوق انا وغيتو وانتظرك واول ماتنزلين تجين لسيارتنا مو تدخلين المدرسة
سمر:وش نلبس ؟
جود: سبحانة الحمار دايم حمار
سمر: طيب ماني مداومة
جود: لاتذلينا ؟ اكيد مرايلنا اهلك وش بيقولون ؟
سمر: ايه صح طيب اجيب ملابس ؟
جود: طالعين نقابل احنا؟
سمر : اجل
جود :من متى انا اخاوي عيال كلهم مثل اخواني
سمر:ايه طيب خلاص فهمت يعني بس فله
جود: اكيييييييييييييييييد
سمر: خلاص تم
جود : يالله سلام
سمر: بايوو
شوق متمددة على السرير اللي كان لونين تفاحي ووردي وكانت لابسة بيجامة لونها وردي شورت وعلاقيه لونها وردي ومرسوم عليها حرفk بالاحمر وماسكة المخدة الصغيرة
وتفكر في اللي ملكتها
واخذت موبايلها وتدور بالارقام لما وصلت عند اسم "انا"
خلود رن موبايلها بنغمة سواها قلبي لاصاله وهيه مخصصة هالنغمة لشوق وبس
شوق وصوتها ناااااعم اكثر من اول:الو
خلود:هلا شوقي
شوق: وحشتيني وحشتيني وحشتيني وحشتيني
خلود : وربي وانت بعد واحشتني حيل
شوق: اخبارك؟
خلود: تمام بعد ماسمعنا صوتك
شوق انحرجت: تسلمين
خلود: الله يسلمك ويسمنك ويزيد حبي في قلبك
شوق: فديتك
خلود:فديت اللي فداني
شوق: مداومة بكره؟
خلود: اكيد انا ما افوت يوم اشوفك فيه
شوق: ايه مثلي
خلود: شوق
:عيونها
خلود: وش فيه صوتك
شوق: لابس مشتاقة لك
خلود: اكيد
شوق: اكيدين
خلود: اتمنى
شوق: طيب حبي تامريني بشيء
خلود: ايه
شوق : امري
خلود: انتبهي على نفسك ونامي زين وتغطي زين
شوق: روح انتي فيها ما بحافظ عليها مجنونة انا
خلود: لا انا مجنووووووونتك
شوق:بسم الله عليك من الجنون
خلود: طيب بتنامين اللحين
شوق : لابنزل اسولف مع خالد شوي لاني زمان عنه
خلود: طيب لاتسهرين
شوق :ا انشاء الله
خلود: يالله مع السلامة
شوق: مع السلامة
سكرت شوق من خلووود واخذت نفس عمييييييييق وقالت وربي احبببببببببببك وايد وايد
الا نغمة الرسايل عندها ماليه المكان فتحت الرسالة
الا مكتوب
احبك
وعرفت انها خلود وحضنت الجوال بقوة وتمنت ان الجوال يكون خلود
وارسلت لها وانا اكثررررررررررررررررررررر
وبعدين طلعت من الغرفة ونزلت للصالة وكان خالد جالس على الكنب البيج الفخم
وقدامه البيانو وجلست شوق على كرسي البيانو وجلست تعزف والنغمة
طلعت مرره حلوة وعلى طول خالد سوى تسجيل وبعدين وقفت شوق عن العزف
خالد يصفر: يا هووووووه
شوق: حلو
خالد: الا خطير
شوق: ثانكس
خالد: تصدقين وش اتمنى؟
شوق: قول وانا اسويه لك
خالد: ان جود يسير عندها نص الانوثة اللي عندك
شوق: مصيرها تعقل
خالد: يا خوفي تطلع ولد
شوق :هههههههههه لا مو لهدرجة
خالد: ماعليك منها المهم قولي لي وش اخبارك
شوق: الحمد لله منيحة
خالد: اكيد هذا ال k حرفي
شوق: ايه اكيد
خالد: يالنصابة
شوق:ههههههه لا صدفة
خالد : احلى صدفة
شوق وهي تغني:
صدفة ومن بين كل الناس علقني
من يوم شفتة وعيني جات في عينه
حسيت شيء بعيونة حيل يجذبني
لما ابتسم بانت بوجهي تلاوينة
وخالد كان يصفق
دخلت جود وهي لابسة فنيلة اتحادي وبنطلون اسود وكانت تغني وسكتت شوق لان جود صوتها عالي وضخم بس مررررة حلو
وبصوت عالي وموال خطير
خلي هجرني وزود الهم بيه شاب الشعر يا عبيد
يا لا له يا لا لا خلى حياتي يا رفيقي نكاده
يا لا له يا لا لا يا عبيد قله لايطول عليه
يا لا لا له قله ترى خلك طريح الوساده
خالد: عسى الوسادة في حلقك
جود: تسلم
خالد: الله لا يسلم فيك ولا عضو روحي يالخدمية
جود: ايه الغيره تحرقك
خالد وهو يقلد البنات يصفق بيده ويحرك فمه يمين وسار: على وشو يا حسرة
شوق : هههههههههههههه حلو التقليد وربي بنت
جود: اكره فيك يا شوق دلعك احسك ماصخة
شوق: خلودي شوفها
خالد: جود تبي كل البنات زيها عربجية
جود: وليه المياعة
خالد: عشان بكرة لما تتزوجين مو كلكم مثل بعض تغنون شاب الشعر
جود: زواج شنو يا ابوية
خالد: اقول اسكتي من اول خطيب بتوافقين هذا اذا حد كان احول وخطبك
جود: اقول شوق مداومة بكره
شوق: شور
جود: يعني ايش هذي
شوق: يعني اكيد
جود: طيب ابيك في هرجة
شوق: عادي انا وخالد واحد
جود(ايه عشان عالمقبرة على طول): لا سر
شوق :طيب بعدين قولية لي
جود: طيب
الا وابوهم نازل من فوق
ابو احمد: انتوا ما نمتوا
شوق وخالد: لا
جود تخبت تحت الطاولة عشان لبسها
ابو احمد: وين جود؟
شوق وهي تكتم الضحكة: بغرفتها او تاخذ لها شاور
ابو احمد: طيب يالله كل واحد على غرفته وراكم دوام بكره
شوق وخالد طيب
وطلع ابوهم لغرفته
وطلعت جود وهي بالعلة تتنفس : يوه بغيت اروح وطي
شوق ماتت من الضحك : ترى خالد كان بيعلم بس انا ترجيته
جود : لو علمت كان ماتنام الا بالمستشفى
خالد: الحمد لله ربي ستر وما صرت معاق
شوق : يالله نطلع فوق لان بابا لو جاء بيورينا شغلنا
جود تستهزء: بابا قولي ابوي وش بابا
شوق: مالك دخل
خالد: اقول يالله قدامي
شوق وجود طيب
وراحوا لغرفهم
اتصلت شوق على احمد
شوق: الو
احمد: هلا
شوق: وينك؟
احمد: قريب
هيفا: اوكي تجي بالسلامة
احمد : تبين شيء:
شوق: مممممممم ما اقول لا جيب بيبسي ذرة من محل كوب الذرة
احمد: طيب انشاء الله
شوق : بايو
احمد بايو
وحطت راسها عالمخدة وصوت اغنية راشد الفارس مالي المكان
بيتك هنا في داخل القلب لو جيت
وان ماكفاك القلب لافرش لك العين
انت الهوى وانت دفا الشمس للبيت
يا وحشتني دونك لو غبت يومين
صورتك قدام عيني ما انام الا بحضنها
يالله رد الروح فيني ورجع لروحي وطنها
ونامت وهي ابتسامة السعادة على شفايفها
اما جود مرت على غرفة اخوهم الصغير وما حصلته
اتصلت على موبايلة
جود: الو
ريان:هاه
جود: وينك
ريان: بغرفتي
جود: بلا كذب انا بغرفتك
ريان: انا بالمجلس اللي برا
جود: اها وش تسوي
ريان: العب بلايستيشن
جود: طيب حلو سلام
قفلت من ريان وعلى طول هوا عالمجلس
جود: وش تلعب
ريان: وجع خوفتيني
جود: ارحم يابنية
ريان: العب درايفر
جود: تمام هات هذا اشياء مو لبزارين
ريان( وهو خايف انها تشوف صديقة نايم وراها): طيب لاتسوين ازعاج
جود: طيب واخذت الريمونت وعلت الصوت وتفحيط وبواري
فهد(صديق ريان): ريان هد الصوت وين احنا
جود(فتحت عيونها عالاخير): ميييييييين؟
ريان ؛جود لاتفشليني هذا فهد
جود:فهد فهد قوم اقلب وجهك
ريان : جود
فهد: خيرمين ذا
جود: اقول يا حبيب امك روح بيتكم بيتنا مو ملجا
فهد :طيب وهو لسى متمدد
جود رفعتة مع فنيلته: اقول ووووين طيب وانت بترجع تنام اقول برا
وطلعتة
جود(وهي تناظر بريان):من متى وانت تنيم ناس زي كذا عندنا ومن دون كذب
ريان: من الاجازة
جود:لاتعيدها لاتعيدها زيييييييييييييييييييييين
ريان: طيب
جود: يالله نكمل
وجلسوا هي وريان لما اذن الفجر واول مااذن راحوا لغرفهم وهم رايحين الا واحمد داخل البيت
وهم يحاولون يتخبون عشان مايشوفهم
وجود تمشي على اطراف اصابعها وريان وراها لان هيئتها كانها ولد وريان نحيف ماينشاف
الا واحمد معصب: جود
جود: نعم نتفاهم بعد الصلاه
احمد: طيب
وطلعت جود وريان يمثلون النوم
** صغيرة والشعر شايب **
