اقرب حبيبي ياعسى الله يخليك

اقــرب حبيـبـي ياعـسـى الله يخـلـيـك
بحـكـي خفـايـا داخــل القـلـب واقــول

**

بعـض الشعـور الـلـي علـيّـه يقـويـك
ويفرضك عندي في حياتي على طول
**

أبـيــك تـسـمـع ياحبـيـبـي ولا أبــيــك
تقطع حديثـي عنـك وتقـول معقـول !!

**

من شافتك عيني وأنا اتبـع خطاويـك
أمشي مع العالـم وأنـا كنـي معـزول

**

ما غيـر أتابـع بـس حضـرت معاليـك
أسوق لـك رجلـي وأنـا فيـك مذهـول

**

أمشي لأجل عينك دروب(ن) مهاليك
وأجـازف بعمـري لــو أروح مقـتـول

**

أبيـع نفـسـي يابـعـد روحــي وأفـديـك
وأهـديـك دنـيـا منّـهـا الـهـم مشـيـول

**

هذا الحكـي كلـه حصـل قبـل أحاكيـك
يومه اسمـي عنـدك انسـان مجهـول

**

ويومـي عرفتـك كلـي أصبـح يناديـك
ماغير قلبي جاك يمشي على رجـول

**

عاف جسمي القلـب يـوم إلتقـى فيـك
وعزّم يجي عنـدك لـو يعيـش مذلـول

**

يـا كامـل الأوصـاف منـهـو يجـاريـك
فيك الحلا فعلاً أشوفـه علـى أصـول

**

لـون الشعـر مثـل الليالـي المحاليـك
تضيـع بـه شمسـي إذا كــان مفـلـول

**

والقد راهي ، وخصرك أكثـر يحليـك
لا شفتـك اقبالـي تقـول انـي مشـلـول

**

العيـن دعجـاء تسبـي اللـي يراعيـك
والخشـم كنـه للعـدو سيـف مسـلـول

**

ياعـذب السجايـا بالحكـي مـا أوفـيـك
للزيـن انـت آيـه لـو أقـول مـا أقــول


**

مجـمـع الـراشـد عـسـى الله يخـلـيـك
جمعتنـي بـخـل(ن) أنــا فـيـه مهـبـول